نشطاء فيس بوك وتيوتر ينعون زينب المهدي بعد انتحارها

أثار انتحار الناشطة السياسية المنشقة عن جماعة الاخوان المسلمين زينب المهدي ضجة كبيرة على مواقع التواصل الاجتماعي فيسبوك وتويتر وأخذ كل واحد ينعي الفتاة بطريقته ومنهم من زاد فاتهم نفسه ومن حوله انه شارك في انتحارها بعدم تقديم الدعم والمعونة لها وعدم السؤال عنها ، كانت الناشطة زينب المهدي قد وجدت منتحرة في شقتها اليوم عن طريق تعليق نفسها في مشنقة صنعتها في منزلها .

عمار مطاوع .
زينب كانت هيا بداية كل شيء ، ْكلمتني، وقالت لي: إنت هتفضل تولول زي الستات لحد إمتي؟ .. قلت لها: وأنا يعني أعمل إيه؟  قالت لي: اكتب عنهم وانشر قضاياهم .. قلتلها: ما أنا ما أعرفش هما مين ولا أبدأ إزاي! .. قالت لي: طب لو إنت في وسط البلد قابلني ناحية ميدان التحرير وأنا راجعة من الشغل هأفهمك تعمل إيه.
قعدت قدامها زي التلميذ مع انها اصغر مني، علمتني وقالت لي: خد ملف الورد ده هتلاقي فيه الصفحات اللي هتتفاعل معاك .. وخد الملف ده فيه أرقام الهيئات الحقوقية .. وبعدين تعمل كذا وكذا وكذا وكذا.، نفس اللي عملته معايا عملته تقريبا مع أسماء خيري ، وعملت لنا جروب ع الفيس ، وضافت معانا هيثم غنيم اللي كان شغال بقاله فترة في الملف الحقوقي .. بدأت تحطلنا الداتا ووصلتنا بالناس القديمة ، ربنا يرحمك يا زينب .

هيثم غنيم .
كل انسان شايف ان فيه حد وقف جمبه علشان قضايا المعتقلين يعرف أن زينب كان ليها ايد في كده وانها سابت صدقة جارية وراها بينا أنا وعمار و اسماء وغيرنا كثير ، كل حد شاف اننا كنا سبب من ربنا في مساعدته لازم يعرف ان ربنا كان مخلي زينب من الأسباب ده  ، ادعولها بالي عملته لينا كلنا .

محمد عباس .
كلنا مسؤولين عن اللي حصل لزينب .. كلنا قصرنا في حقها و في الاطمئنان عليها .. اااهيا وجع القلب عليكي يا زينب اه على البلد و اللي فيها و اللي بتعمله فينا اه .. اه .